PAPELPAPEL PANANALIKSIKPANANALIKSIK PAPEL PANANALIKSIKUNANGUNANG BAHAGIBAHAGIUNANG BAHAGIKahulugan, Katangian, EtikaINTEGRATED SCHOOLG. Jio Orense, G. Erdy Falcutila at Dr. Princess Gissel Servo Filipino 10
INTEGRATED SCHOOLKAHULUGANKAHULUGAN ATAT KATANGIANKATANGIAN KAHULUGAN AT KATANGIAN
INTEGRATED SCHOOLKAHULUGANKAHULUGAN NGNG PANANALIKSIKPANANALIKSIKKAHULUGAN NG PANANALIKSIKIsang katutubo at sinaunang salita ang “saliksik.” Sa Vocabulario nina Noceda at Sanlucar, nangangahulugan itong “buscar por todos los rincones” o “hanapin sa lahat ng sulok.” Ibig sabihin, taglay na ng kahulugan ng “saliksik” noon pa man ang masalimuot, masinsinan, at masiyasat na paghahanap ng kasagutan, karunungan, at solusyon. Ang sulating pananaliksik ay malalimang pagtalakay sa isang tiyak at naiibang paksa. Hindi lang ito basta pagsasama- sama ng mga datos na nasaliksik mula sa iba’t ibang primarya at sekundaryang mapagkukunan ng impormasyon kundi taglay nito ang obhetibong interpretasyon ng manunulat sa mga impormasyong nakalap. Ang interpretasyong ito ang pinakamahalagang elemento ng isang tunay na sulating pananaliksik (Spalding, 2005). Ito ay isang masusing pagsisiyasat at pagsusuri sa ideya, konsepto, bagay, tao, isyu, at iba pang ibig bigyang-linaw, patunayan, o pasabulian (Constantino at Zafra, 2010). Ang pananaliksik ay isang sistematikong proseso ng pangangalap, pag-aanalisa, at pagbibigay-kahulugan sa mga datos mula sa mga mapagkakatiwalaang mapagkukunan ng impormasyon upang masagot ang isang tanong upang makapagdagdag sa umiiral na kaalaman, o pareho.
INTEGRATED SCHOOLKATANGIANKATANGIAN NGNG PANANALIKSIKPANANALIKSIKKATANGIAN NG PANANALIKSIK1. Obhetibo - naglalahad ng mga impormasyong hindi basta galing sa opinyon o kuro-kurong pinapanigan ng manunulat kundi nakabatay sa mga datos na maingat na sinaliksik, tinaya at sinuri. 2. Sistematiko - ito ay sumusunod sa lohikal na mga hakbang o proseso patungo sa pagpapatunay ng isang katanggap- tanggap na kongklusyon. 3. Napapanahon - nakabatay sa kasalukuyang panahon, nakasasagot sa suliraning kaugnay ng kasalukuyan, at ang kalalabasan ay maaaring maging basehan sa desisyong pangkasalukuyan. 4. Empirikal - ang kongklusyon ay nakabatay sa mga nakalap na datos mula sa tunay na naranasan at/o naobserbahan ng mananaliksik. 5. Kritikal - maaaring masuri at mapatunayan ng iba pang mananaliksik ang proseso at kinalabasan ng pag-aaral dahil taglay nito ang maingat at tamang paghahabi at paghahatol ng mananaliksik. 6. Masinop, Malinis at Tumutugon sa Pamantayan - nararapat itong sumunod sa mga pamantayang inilahad at kakikitaan ng pagiging masinop at malinis sa kabuuan. 7. Dokumentado - nagmula sa mga materyales ang mga impormasyon at datos. Binigyan ng karampatang pagkilala ang pinagmulan ng mga ito.
INTEGRATED SCHOOLETIKAETIKA NGNG PANANALIKSIKPANANALIKSIK ETIKA NG PANANALIKSIK
INTEGRATED SCHOOLETIKAETIKA NGNG PANANALIKSIKPANANALIKSIKETIKA NG PANANALIKSIKAng pagiging etikal ay tumutukoy sa pagiging matuwid, makatarungan, matapat, at mapagpahalaga ng isang indibidwal sa kaniyang kapwa. Kung ilalapat ito sa pagsasagawa ng pananaliksik, mahihinuha na ang pagiging etikal sa larangang ito ay pagsunod sa mga pamantayang may pagpapahalaga sa katapatan, kabutihan, at pagsasaalang-alang sa kapakanan ng kapwa. Mga Gabay sa Etikal na Pananaliksik Ang mga gabay sa etikal na pananaliksik ay nagpapakita ng mga etikal na isyu sa iba’t ibang bahagi ng proseso ng pananaliksik. May tinukoy na mahahalagang prinsipyo sa etikal na pananaliksik ang American Psychological Association (2013) at ang Center for Social Research Methods (2006) na maaaring maging gabay ng mga nagsisimulang mananaliksik sa anumang larangan. 1. Pagkilala sa pinagmula ng mga ideya sa pananaliksik 2. Boluntaryong partisipasyon ng mga kalahok 3. Pagiging kumpidensyal at pagkukubli sa pagkakakilanlan ng kalahok 4. Pagbabalik at paggamit sa resulta ng pananaliksik
INTEGRATED SCHOOLETIKAETIKA NGNG PANANALIKSIKPANANALIKSIKETIKA NG PANANALIKSIKPamamalahiyo at ang mga Responsibilidad ng Mananaliksik Ayon sa Purdue University Online Writing Lab (2014), ang plagiarism o pamamalahiyo ay tahasang paggamit at pangongopya ng mga salita at/o ideya nang walang kaukulang pagbanggit o pagkilala sa pinagmulan nito. Tinukoy ng plagiarism.org (2014) ang iba pang anyo ng pamamalahiyo gaya ng: - pag-angkin sa gawa, produkto, o ideya ng iba; - hindi paglalagay ng maayos na panipi sa mga siniping pahayag; - pagbibigay ng maling impormasyon sa pinagmulan ng siniping pahayag; - pagpapalit ng mga salita sa katulad na wika o kaya ay pagsasalin ng teksto ngunit pangongopya sa ideya nang walang sapat na pagkilala; at - ang pangongopya ng napakaraming ideya at pananalita sa isang pinagkunan na halos bumuo na sa iyong produkto, tukuyin man o hindi ang pinagmulan nito.
INTEGRATED SCHOOLETIKAETIKA NGNG PANANALIKSIKPANANALIKSIKETIKA NG PANANALIKSIKResponsibilidad ng Mananaliksik 1. Matiyaga sa paghahanap ng mga datos mula sa ibang mapagkukunan ng sandigan. 2. Mapamaraan sa pagkuha ng mga datos na mahirap kunin. 3. Maingat sa pagpili ng datos batay sa katotohanan at sa kredibilidad ng pinagkukunan; sa pagsisiguro sa lahat ng panig ng pagsisiyasat; at sa pagbibigay ng mga kongklusyon, interpretasyon, komento, at rekomendasyon. 4. Analitikal sa mga datos at interpretasyon ng iba tungkol sa paksa at mga kaugnay nito. 5. Kritikal sa pagbibigay ng interpretasyon, kongklusyon, at rekomendasyon sa paksa. 6. Matapat sa pagsasabing may nagawa nang pag-aaral tungkol sa paksang pinag-aralan; sa pagkuha ng mga datos nang walang pagkilala at permiso kaninuman; at sa pagtanggap sa limitasyon ng pananaliksik. 7. Responsable sa paggamit ng mga nakuhang datos, sa mga tao o institusyong pinagkunan ng mga ito at pagtiyak na maayos at mahusay ang mabubuong pananaliksik mula sa format hanggang sa nilalaman at sa prosesong pagdadaanan.
