N/YETO……….../BDK/KDM/KMPI/2025 Fuani kua: -Kinlongo kia Kongo; -Mintuadisi mia Kinkumpi; -Mfumu za Bizunga; -Mfumu za Mazikua; -Kingamata kia Kongo. NKINZI WA MAMA VITA KIMPA Vata dia "Trois Manguiers" (Kinzungidila kia Vata dia "Mpasi-Mpasi". NSONANSONGOLO ZA BISALU BISALUKIDI MU SAVUKISA MANAKA MA NKINZI WA MAMA VITA Ntandu: kia 01 nateye kia 02/07/2026 Fulu: Vata dia "Trois Manguiers" (vioka "Mpasi-Mpasi", vata dia ngudi mu kinzungidila kiokio). Mu diambu dia lungisa bisalu bia kinsuni ye bia kimpeve bina nata dibundu dieto mu neneva ye zanguka, Kinkumpi kia Kongo dia Mfua kia kubika manaka ma Nkinzi wa Mama Vita Kimpa wa mvu wawu ku zikua dizibukidi ku vata dia "Trois Manguiers", mu mbueno ya tombela Bundu dia KongoMavimpi mambote, ya siamisa minu kia Makesa, songa Nzila Kongo, longa ye samunaBukongo bua kedika bua futumuni Ne Muanda Nsemi, Nlongi a Kongo kua Bakongo babo ye kua Bandombe ba Nza yamvimba. Mu diodio, Nsonansongolo zazi zeti songa bisalu bia ngudi bisalukidi mu ntandu kia Nkinzi wa Mama Vita Kimpa wa mvu wawu ku Kongo dia Mfua. Bisalu biabi bisalukidi mu konso nsoko bonso ebu : I. MAYALA YE KISUMAYA Landila nsongolo za Mfumu a Mayala ye Kisumaya kia Kongo dia Kongo dia Mfua, makabu ema mavangu mu diambu dia savukisa manaka mama : kabu dia Nzietolo, kabu dia Ndiulu ye Nduinu, kabu dia mintambudi, kabu dia Lutanunu evo kinkengi. *Kia 01/07/2026 -Mbongo za nsompolo a kumbi za yonzekua ; -Mfumu a Mayala kintuadi ye kabu dia Nzietolo ye Makesa mankaka bayenda kota mu bimoko ye bo bavua makumbi ; -Mu hola ya 16h, Mfumu a Mayala walomba kua Makesa momo matuka mu ndambu ka ndambu ye kutakana ku Mbanza Lubomo mu naka mu kumbi dianene di basompa mu diambu dia zieta ku vata dia "Trois Manguiers" ; Bundu dia Kongo B.D.K NSAKU-MPANZU-NZINGA TUBUNDA MPANDU KA TUVAMBUDI MPANDU KO KONGO DIA MFUA
-Ku vata dia diodio, mu hola ya 18h, ku nsia ndombolo ye lutumu lua Nkumpi, Mfumu a Mayala ye Kisumaya ka vangisa Fongo mu lutuadusu lua yandi kibeni Nkumpi, mu diambu dia kongodila ye tala keti nzengolo zazo za bakama mu mafongo mau mu nsamu utadidi nkubukulu a Nkinzi wawu za savukusua bonso bu bazengila dio mu kintuadi; Dia Ntemo, mamo mazengua mu nsamu mia Nzietolo, Ndiulu ye Nduinu, fulu kia Nkinzi, ludedemo, Lutanunu ye Kinkengi ye bonso bobo masavukusua bonso buakadila. i mu fongo diadi kaka mpe mua kubikua Ndandani (Chronologie) a bisalu biafuana mu saluka mu Mandanda ma Nkinzi wawu. Kia 02/07/2026 -Mu laki kiaki mu nsuka, Mfumu a Mayala walomba kua Makesa mu kubika Kinlongo mu hola yalunga, kadi ndefi yakala ya yantika Nkinzi mu hola ya vua (9h:00). i bonso bobo mpe dia kadila. II. KINLONGO YE KINABI Bisalu biasalukidi kua Kinlongo ye Kinabi mu nsamu utadidi Nkinzi wa Mama Vita Kimpa wa Mama Vita Kimpa i biabi : -Mfumu a Kinlongo ye Mfumu a Kinabi mu kintuadi batuika Kisombe kia bilumbu tatu (3) kua Makesa mamo tuka kia 24 nateye kia 26/07/2026, mu diambu dia kubika manaka mama mu kimpeve bonso buakadila. Kia 01/07/2026 -Mu kielo a buisi a lumbu kiaki, Mfumu a Kinlongo ye Mfumu a Kinabi ba sadisa Mandanda mu diambu dia tula Nzietolo a Makesa mamo ma kutakana ku zikua dia Lubomo va moko ma Bakulu ye Bisimbi bia Ntemo; Ku nsia ndombolo ye nsiudukusu za Nkumpi , Mfumu a Kinlongo, Mfumu a Kinabi ye Nkumpi yandi kibeni, ba kulumuka mu kumbi va nkotolo a vata ye sisa Mfumu Mayala ka tatamana ye Makesa nateye va fulu kia Nkinzi. Vana nkotolo a vata, Mfumu a Kinlongo wavana kazu, luzibu ye tondo kua Bakulu ye Bisimbi bia Ntemo bikenganga vata diodio, kidiv bakala mu nkalasani ye beto ye biza ba tuyikama mu manaka ma tuayendila kuna; -MuFongo dia vangisa Mfumu a Mayala mu lutumu lua Nkumpi mu nduakulu awu ku vata diodio, Mfumu a Kinlongo wavana nsongolo za bueyi mandanda ma Nkinzi mazola viokila ; -Mu hola ya nana mu fuku (21h), Mfumu a Kinlongo wa vangisa mandanda ma tuadusua kua Mfumu a Mayala mu luzolo lua yandi kibeni, kidivo Bakulu ye Bisimbi ba tanina bantu babo bakala va fulu kiokio kia Nkinzi mu fuku diodio tekela ba bua tolo. Mu mandanda momo, Mfumu a Kinlongo wa longele kua nkangu malongi ema :"Ne Muanda Kongo i nani ?". -Mu fuku diodio kaka mpe, mu hola ya makumole ye tatu (23h), Mfumu a Kinlongo, Mfumu a Kinabi, Mfumu a Mayala kintuadi ye Nkumpi bayenda sala Mandanda ma Kinganga va nkotolo ntete, mboki va mpayikulu a vata, isavo va ntonono ye va nsukunu a vata. Diadi i d iambu dia kandika vata, tanina ye nungisa Makesa ye nkangu wawo mu bitembo bia ntantu mu ntangu a Nkinzi Kia 02/07/2026 -Mu lumbu kiaki kia Nkinzi, tuka ngiatikulu nateye nsukunu, Mandanda ma tuadusua kua Mfumu a Kinabi kia Kongo dia Mfua ;
-Malongi mavewa kua yandi kibeni Mfumu a Kinlongo. Yandi walonga kua nkangu kinkulu kia Mama Vita Kimpa, tuka mbutukulu andi, kisalu ki kayiza sala ye lungisa ku Kongo nateye ntangu ka yokua ku tiya kua ntantu mia Kongo; -Mbangi a Bakulu ya tambikua kua Mfumu a Kinlongo yandi kibeni, ye walombele nkangu Lusakumunu, Lutanunu ye Ndungunu mu mvita zau za lumbu ka lumbu ye mu Mvita Mpulusu a Kongo; -Mu nsuka Mandanda, Mfumu a Kinlongo watudidi kintuadi ye Makesa mankaka bantu bakala ye bimbemvo ye nsamu mia mpila mu mpila mu lukongolo, mu diambu dia ku balombela Luniakusu ye Ndungunu mu zingi kiau kia lumbu ka lumbu. III. LUSANGA YE KINGAMATA Kia 30/06/2026 -Mu lumbu kia 30/06/2026 ku Mbanza Lubomo, Mvutukila a bimpa bia Ndiata ba Minkengi ya saluka mu lutuadusu lua Mungamata ; Kia 02/07/2026 -Mu lumbu kiaki kia Nkinzi mu nsiuka , Mungamata watuadisa Ndiata Minkengi tuka fulu ku tua buanua nateye va nkotolo a vata ; -Tuka ngiatikulu nateye nsukunu a Mandanda, Fumfu dia Kongo dia sidi salu kia kenga ye tanina nkangu wawo way yizidi ku Nkinzi ye Mvuilu za zau zazo; -Fumfu dia Kongo disidi salu kia kintambudi mu tambula bantu ye zaya lutangu lua babo bayiza ku Nkinzi. IV. SALU BIA BAYAYA Kia 1/07/2026 -Mu lumbu kiaki, Bayaya batuka mu ndambu ka ndambu bayiza yikama Bayaya batekela ku vata diadi ye kituka kabu dianene dia Ndiulu ye Nduinu; -Mu fuku dia lumbu kiaki, kabu diadi dia Ndiulu dianunga mu dikila bantu babo bakala Kuna. Kia 02/07/2026 -Ku nima Mandanda, Bayaya ba kabu diadi banunga mu lamba bidia biabingi ye dikila Makesa ye Banzenza babo bakala ku Nkinzi. * Lumbu kia Nkinzi (02/07/2026) >Mandanda ma bisambu mu lumbu kia Nkinzi ma kadila bonso ebu : -Ntuadisi: Mfumu a Kinabi kia Kongo dia Mfua ; -Mbila Matondo: Mfumu a Kinabi kia Kongo dia Mfua ; -Buana Bampangi : Mfumu a Kinabi kia Kongo dia Mfua ; -Mbila Mvuala Tatu: *Mu Zola: Mbuta, Kesa diatuka ku Mbanza Lutete;
*Mu Ngangu : Mfumu a Kizunga kia Niari ; *Mu Lendo: Yaya, Kesa diatuka ku Mbanza Nzinzi. -Malongi : Mfumu a Kinlongo kia Kongo dia Mfua; -Tonda malongi : Mfumu zikua dia vata ku salukidi Nkinzi ; -Mazayisu: Mfumu a Mayala ye Kisumaya; -Mpova za nsuka: kua Nkumpi; -Mbila za nsuka: Kua Mfumu a Kinlongo. *Banzenza bizidi ku Nkinzi Mu lumbu kia 02/07/2026 kia Nkinzi, Banzenza tua tambula i: -Mfumu a vata ku salukidi Nkinzi ye banduenga bandi bole; -Mfumu a dibundu dia EUSEC (Bangunza ba Eglise Unie du Saint-Esprit au Congo, dibundu dia sisa Ne Mavonda Ntangu) ye kabu diandi batuka ku vata diankaka. Lutangu lua Bantu bakala ku Nkinzi: -Ku Nkinzi kuakala ye bantu vioka nkama mosi ye lusambodia (170). -Nkinzi wayantika mu hola ya vua (9h) ye wayiza manisina mu hola ya kumi ye tatu (13h). V. MPASI ZI TUBUABANE YE ZO I: _Mpasi mu baka biandu bia fuana kua bantu babo, kadi ku vata tuakala; _Mpasi za nzaziki, kansi tuanunga mu baka groupe électrogène ya kienzola kinlongo kieto mu fuku; _Mpasi za mintambudi, ka bakala kaka bafiuma ko, kansi ba kondua mpe mazayakala ma bue ba tambudilanga bantu mu minkinzi; _Mpasi za mbongo, yakala Makesa evo mazikua mu kintuadi ka meti zola evo nunga diaka mu vananga ngionzokolo zau nkutu ko. Idina, mu nunga mu dikila bantu babo mu nkinzi wowo, tualomba kua konso kizunga evo mbanza mu sumba madia bonso bu basongua dio.
BIABI I BIZIZI BIA NKINZI KU VATA DIA “TROIS MANGUIERS" LUMBU KIA NKINZI WA MAMA VITA KIA 02/07/2026 Mu Nkumbu a Mfumu eto Ne Muanda Kongo tu songele bo, Ingeta. Mbanza Mfua, kia 12/ 07/ 2026 Ne DIELA TONO, Muana Ngo Mue Mungi-Minsimba Nkumpi a bisalu bia Bundu dia Kongo Nkumpi mu zuela dia mbuaki, Mfumu a Mayala ye Kisumaya mu zuela dia Mpembe, Mfumu a Kinlongo ku manima ye Nkengi mosi. Mbuta Muntu telamene i Mfumu a vata, ye banduenga bandi bole bazakala ku manima mandi. Lueka lua Bayaya ku Zikua dia Trois Manguiers, Lumbu kia Nkinzi. Lueka lua Bambuta ku Zikua dia Trois Manguiers, Lumbu kia Nkinzi. Baba i Bambuta ba tubuana ku vata diau. Kingamata weti vana zi nsikudukusu kua Minkengi lumbu kia Nkinzi. Minkengi ku Ndiata mu nsiuka ya Lumbu kia Nkinzi.